Paul Pogba vazhdon të mbetet një nga emrat më të njohur në botën e futbollit dhe emri i tij në çdo afat kalimtar vazhdon të jetë më i lakuari.

Francezi duket se nuk është më i lumtur te Manchester United dhe ka vendosur që të largohet në fund të këtij sezoni.

Mediat britanike shkruajnë se ai u ka thënë shokëve të tij aktualë te Manchester United, se është mërzitur në “Old Trafford” dhe se do të kërkojë largimin me çdo kusht gjatë verës.

Paul Pogba (Foto: Clive Brunskill/Getty Images)

Mesfushori ka pasur shumë lëndime në kohët e fundit, çka ia kanë pamundësuar të tregojë aftësitë e tij.

Tani pritet që agjenti i tij, Mino Raiola të bisedojë me klubin e Manchester United dhe të gjejë një zgjidhje.

Paul Pogba . (Foto: Ian MacNicol/Getty Images)

Real Madridi dhe Juventusi mbeten klubet që gjithmonë kanë dashur ta marrin në skuadër, që prej largimit të tij nga Torino.